Kelot utas sa pamamaril

MANILA, Philippines – Isang hindi pa kilalang la­laki ang natagpuang walang buhay at may tama ng bala sa ulo sa ibabaw ng tulay ng Pandacan, Maynila, kahapon ng madaling araw.

Inilarawan ang biktima sa edad 25-30, 5’2 ang taas, katamtaman ang panganga­tawan, may tattoo na “RMG” sa kanang kamay.

Wala pang natukoy na suspek sa pamamaril dahil natagpuan lamang na nakahandusay at naliligo sa sari­ling dugo ang biktima.

Nabatid na inireport lamang ng isang concerned citizen sa Manila Police District-station 9, ang insidente ng pamamaril at nang tungu­hin ang lugar ay naabutang wala ng buhay ang nasabing lalaki.

Hindi nakakuha ng anu­mang impormasyon hinggil­ sa pangyayari at wala din umanong nakalatag na closed-circuit television (CCTV) sa lugar.

Patuloy ang isinasaga­wang imbestigasyon hinggil sa insidente.