Belen making contest sa Makati

MANILA, Philippines – Tatanggap ng P.3 mil­lion­  premyo mula sa pama ha­laang lungsod ng Makati­  ang sinumang magwawagi sa ma­pipiling pinakagandang gu­mawa ng Belen.

Ang Belen-making competition ay bilang bahagi ng pagdiriwang ng pamahalaang lungsod, na pangungunahan ng Museum and Cultural Affairs Office (MCAO).

Bukod sa P300,000.00 prem­yo, ang mananalong pi­na­ka­magandang gumawa ng belen ang siyang ilalagay at magiging dekorasyon sa Makati Park and Garden at old Ma­kati City Hall Building.

Ayon kay Makati City Acting­ Romulo “Kid” V. Peña, Jr., ang Pasko aniya ay isang pasasalamat sa Poong May­­kapal at sabik siyang makasama ang kanyang mga kababayan sa pagdiriwang nito bilang isang alkalde ng lungsod.

Matatandaan, na noong Disyembre 1, 2014, isinagawa ang seremonya nang pagpapailaw ng belen  sa ikalawang distrito, sa Makati Park and Garden.

Subalit, bukas, araw ng Bi­yernes, Disyembre 4 isasa­gawa naman ito sa unang distrito ng lungsod, sa harapan ng old Makati City Hall building.

Nabatid, na magbibigay ng karagdagang P20,000 sa magwawaging paaralan, bilang magiging pondo ng mga ito para i-promote ang panga­ngalaga sa kalikasan.