MMDA tututok na lang daw sa secondary roads
MANILA, Philippines – Ang mga secondary roads ngayon ang tututukan ng Metropolitan Manila Development Authority (MMDA) na siyang magsisilbing alternatibong ruta ng mga motorista lalu na ngayong pumasok na ang ‘ber months’.
Sinabi kahapon ni MMDA Assistant General Manager for Operations Emerson Carlos, kanilang tututukan ngayon ay ang paglilinis ng mga secon-dary roads mula sa mga obstruction o mga nakaharang, gayundin ang mga sidewalk vendors at illegal parking.
Bahagi na umano ito ng muling pag-activate ng Mabuhay lanes o kilala sa tawag na Christmas lanes. Makikita sa website ng MMDA ang mga itinalaga nitong Christmas lanes na maaaring gamitin o daanan ng mga motorista upang makaiwas ng trapik. Ito ay dahil na rin sa inaasahang lalo pang sumikip ang trapik partikular sa mga lugar na malapit sa shopping malls.
Nabatid na kamakalawa ng gabi libu-libong mga ma-nanakay at mga motorista ang naistranded at mistulang naging malaking parking lot ang kahabaan ng EDSA dahil sa napakatinding trapik dulot ng mataas na pagbaha sanhi ng malakas na pag-ulan. Matinding kunsumisyon ang dinanas ng publiko at karamihan ay sa daan at sa kahabaan ng EDSA nagpalibas ng gabi.
- Latest
