Lola naatrasan ng SUV, patay
MANILA, Philippines - Patay ang isang 87-anyos na lola makaraang maatrasan ng isang sports utility vehicle (SUV) sa Caloocan City.
Nakilala ang nasawi na si Emperatriz Rabenitas, residente ng Block 15 Lot 14 Sunriser Village, Brgy. 167 Llano, ng naturang lungsod.
Isang follow-up opera-tion naman ang isinasaga-wa upang madakip ang suspek na nakilalang si Eugene Zamora, 41, residente ng Brgy. Pawang Bato, Valenzuela City.
Sa naantalang ulat na ipinarating sa Northern Police District, naganap ang insidente dakong alas- 8:15 ng umaga noong Agosto 30 sa Mars Street, Sunriser Village, Caloocan.
Nabatid na nagmamaniobra ng minamaneho niyang Honda CRV (XMH 148) sa naturang kalsada ang suspect nang maatra-san ang biktima na nakatayo sa gilid ng kalsada.
Bumagsak ang biktima at nagtamo ng mga pinsala sa ulo at katawan. Mabilis na isinugod sa Quezon City District Hospital ang biktima ngunit nalagutan rin ng buhay.
Tumakas naman ang suspect.
- Latest
