Binatilyo dedo sa 3 lasing

MANILA, Philippines – Isang 17-anyos na bina­tilyo ang napatay sa bugbog ng tatlong lasing na lalaki ma­tapos na akalaing sila ang pi­nagtata­wanan kamakalawa ng gabi sa Quezon City.

Dead on arrival sa East Avenue Medical Center ang biktimang si Ramil Trapalgar, ng Lupang Pangako, Bgy. Pa­yatas ng nabanggit na lungsod habang natukoy naman ang isa sa mga suspek sa alyas “Suwe” na ngayon ay tinutugis ng otoridad.

Ayon kay P02 Julius Raz, may hawak ng kaso, nangyari ang insidente sa may Block 3, Phase 3, Lupang Pangako ng nasabing barangay, ganap na alas-11 ng gabi.

Bago ito, masayang nagkukuwentuhan ang biktima at pinsang si Jessie nang duma­ting ang mga lasing na suspect at kinompronta ang mga una sa pagsasabing “pinagtitripan nyo ba kami?”

Sumagot naman ang da­lawa ng “hinde natatawa lang kami,” hanggang sa magalit ang mga suspect at nagha­mon ng suntukan.

Nang hindi sila pinansin at pinatulan ng mga biktima, uma­lis ang mga suspect, su­ba­lit muling bumalik at saka hinamon muli ang mga biktima hang­gang sa mauwi ito sa pambubugbog.

Nagawang makatakbo ni Jessie na humingi ng tulong sa kanyang tatay subalit nadatnan nila si Trapalgar na wala ng buhay at nakabulagta sa lugar.