Re-blocking na naman, matinding trapik asahan

MANILA, Philippines - Asahan na naman ang matinding pagsisikip ng trapiko ngayong weekend sa ilang lansangan sa Metro Manila ka­ugnay sa pagsasagawa uli ng road re-blocking ang Department of Public Works and Highways (DPWH).

Ito ay ayon sa abiso ng Metropolitan Manila Development Autho­rity (MMDA). Sinimulan  alas-10:00 kagabi ang road re-blocking at matatapos ito sa Lunes (Agosto 17) alas-5:00 ng umaga.

Apektado sa re-blocking ang bahagi ng northbound partikular ang kahabaan ng  C-5 Road pagitan ng FR Cement hanggang  Petron gasoline station  na patungong Lanuza Street, (innermost  lane) ng Pasig City. Kaya payo ng MMDA sa mga motorista, iwasan ang nabanggit na lugar upang hindi maabala sa trapik. (Lordeth Bonilla)