No. 1 Most Wanted ng Plaza Miranda timbog
MANILA, Philippines – Nadakip ng Manila Police District- Plaza Miranda PCP ang isang most wanted criminal na may warrant of arrest sa Quiapo, Maynila.
Kinilala ni Sr. Insp. Rommel Anicete ang suspek na si Michael Jose Corranto, 33, na sa No. 311 Palma St., Quiapo, Maynila.
Si Corranto ay wanted sa kasong robbery holdup. Una na ring sangkot sa iba’t ibang pandurukot si Corranto sa lugar ng Quiapo.
Batay sa repot, nakatanggap ng impormasyon si Anicete na nakitang pagala-gala sa Quiapo si Corranto na kinokonsiderang armed and dangerous kaya’t agad niya inalerto ang kanyang mga tauhan.
Nang mamataan, agad na dinamba ang mga pulis ang suspek sa Platerias St. at binasahan ng Miranda Rights.
Kaugnay nito, inirekomenda ni Anicete ang pagbibigay ng komendasyon sa kanyang mga tauhan na sina SPO2 Eduardo O. Trinidad, Jr., PO3 Manuel DC. Paras, Jr., PO1 Alger A. Alfante, PO1 Huward A. Dela Cruz, PO1 Ryan A. Leongson at PO1 Ronoilen P. Pacino, para sa pagdakip kay Corranto.
- Latest
