30-minute heat stroke break, ipapatupad ng MMDA

MANILA, Philippines – Epektibo sa Marso 15, ipa­patupad ng Metropolitan Manila Development Autho­rity (MMDA) ng 30-minute heat stroke break sa kanilang mga tauhan.

Bukod dito, sa panig ng mga traffic enforcer pagsusuutin na rin sila ng itim na short na panterno sa kanilang pantaas na uniporme habang nagmamantina ng daloy ng trapiko sa Ka­­lakhang Maynila.

Nabatid na hanggang Mayo 31 ang ganitong magi­ging uniporme ng mga enforcer dahil na rin sa ma­tinding init dala ng summer.

Kahapon ay pinanguna­han ni MMDA Chairman To­len­tino ang pagbibigay ng mga short pants sa mga enforcer.

Nabatid, na sa heat  stroke break policy, hahatiin sa da­lawa ang oras ng break ng mga enforcers, ang una sa pagitan ng ala-1:30 hanggang alas-2:30 ng hapon at  alas-2:30 hanggang alas-3:00 naman ang susunod.

Bukod dito, mayroon ding water jug na irarasyon sa lahat­ ng mga en­forcers upang re­gular ang kanilang paginom ng tubig para iwas de­hydration. Ang heat stroke break ay ipapatupad din sa mga street cleaners.

Layunin pa rin ng hakbangin ng MMDA ay upang maprotektahan ang kalusu­gan ng mga tauhan laban sa matinding init partikular sa mga may edad na mabibilad  sa gitna ng init ng araw.