Bugaw huli sa pagnanakaw, estafa

MANILA, Philippines – Isang babaeng bugaw ang dinakip makaraang ireklamo ng kanyang mga naloko sa Sta. Cruz, Maynila.

Kinilala ni Manila City Hall Detachment at Manila Action and Special Assignment chief, Chief Insp. Bernabe Irinco, Jr., ang suspek na si  Sonia Echalar, 37 ng  1351 Radium St. San Andres, Manila.

Ayon kay Irinco, nagtungo sa kanyang tanggapan ang  ilang kababaihan na pinangungunahan ni Hydee Alburo hinggil sa umano’y panloloko at pambubudol-budol ni Echalar sa kanila.

Lumilitaw na pinangakuan ni Echalar ang mga biktima na ipakikilala sa ibang dayuhan  kung saan hindi alintana ng mga biktima ang  pambubudol-budol sa kanila ang una.

Agad namang  naaresto ang suspect sa isinagawang follow up operation si SPO1 Adolf Tagufa.