3-anyos lasog sa SUV
MANILA, Philippines - Lasog ang isang 3-anyos na batang lalaki nang mahagip at masagasaan ng isang nag-overtake na sports utility vehicle sa Sampaloc, Maynila, kamakalawa ng hapon.
Ang biktimang si Julius Jacobe, ng Felipa St., Sampaloc, Maynila ay idineklarang dead on arrival sa United Doctors Medical Center (UDMC).
Sa inisyal na ulat ni PO2 Erickson Dacanay ng Manila Police District-station 4, dakong alas-4:00 ng hapon nitong Miyerkules nang naganap ang insidente sa panulukan ng Ilaw ng Nayon at Blumentritt Sts., sa Sampaloc, Maynila habang ang biktima na akay-akay ng kanyang ina ay tumatawid sa may center island nang mahagip nang humaharurot na Izusu IPV WRX-396 na minamaneho ni Alfredo delos Santos, 51.
Bumagsak at gumulong ang bata na nasagasaan pa ng nasabing SUV.
- Latest
