Sanggol itinapon sa basurahan

MANILA, Philippines – Natagpuan ng isang ba­surero ang patay na sanggol habang namumulot ng basura sa Tondo, Maynila kamakalawa ng gabi.

Sa ulat ng Manila Police District-Station 1, tinatayang nasa isa hanggang dalawang linggo pa lamang na naipanganak ang beybi na nakabalot sa pajama, na pinaniniwalaang ‘premature baby’.

Nabatid na alas-8:10 ng gabi nang matagpuan sa basurahan sa tapat ng Building­ 12, Temporary Housing, Aroma Compound, Tondo ng namumulot ng ba­sura­­ na si Cesar de Guzman.

Inakala nito na mapapakinabangan ang pajama na nakabulumbon at nasorpresang lumabas ang nakapaloob dito na bangkay ng beybi.

Aalamin kung sino ang ina ng sanggol na itinapon lamang na parang basura sa halip na bigyan ng pormal na libing.