8 menor-de-edad, nasagip sa prostitution den, 2 bugaw arestado

MANILA, Philippines - Nasagip ng  mga tauhan ng National Bureau of Investigation ang walong menor-de- edad mula sa  isang pros­titution den habang dinakip naman ang dalawang bugaw sa isinagawang operasyon sa Quezon City, kahapon ng  madaling-araw.

Pinangunahan ng NBI Anti-Human Trafficking Division ang nasabing entrapment operation na inilunsad sa may bahagi ng Sct. Reyes at Gandia Sts.

Nagpanggap na mga kostumer ang apat na agents at nakipagtransaksyon sa dalawang hinihinalang bugaw na sina Evelyn Tañega at James Mercado. Matapos magkabayaran sa isang kainan agad na ina­resto ang dalawang suspek. Itinanggi naman nina Tañega at Mercado ang aku­sasyon subalit lumilitaw sa paunang imbestigasyon na kapatid ni Mercado ang isa sa mga na-rescue.

Napag-alaman na ibini­benta ng dalawang bugaw ang mga menor-de-edad sa kanilang makukuhang kostumer sa halagang P1,500.