Manyakis kalaboso
MANILA, Philippines – Kalaboso ang isang lalaki matapos magising ang kapitbahay na dalaga na tinangkang hubaran ng damit na pang-ibaba ng suspek sa Navotas City kahapon.
Himas rehas ngayon sa Navotas City Police detention cell at nahaharap sa kasong acts of lasciviousness ang suspek na si Vicente Pagobo, 32, ng Sitio Puting Bato, Bgy. North Bay Boulevard South ng naturang lungsod.
Ayon sa reklamo sa pulisya ng biktima na nasa edad 19, alas-7:00 ng umaga nang magising siya sa pagtulog sa loob ng kanyang kuwarto nang maramdamang may humihimas sa maselang bahagi ng kanyang katawan at dahil sa antok pa ay hindi na nito pinansin.
Maya-maya pa ay naramdaman ng biktima na hinuhubad ang kanyang underwear na naging dahilan upang bumangon at nakita ang suspek sa kanyang tabi.
Nang makita ng suspek na gising na ang biktima ay mabilis na lumabas ng kuwarto at tumakas kung saan nagsumbong naman ang dalaga sa mga tanod at sa isinagawang follow-up operation ay nadakip ito at dinala sa himpilan ng pulisya.
- Latest
