Film showing isinagawa sa Maynila

MANILA, Philippines – Sinimulan na ni Manila 3rd District Councilor John Marvin “Yul Servo” Nieto ang pagsasagawa ng film sho­wing sa iba’t ibang barangay sa lungsod.

Ayon kay Nieto, layu­nin ng film showing na maipanood  ang  magagandang mga pelikulang Pilipino  sa mga kabataan bukod pa sa layuning mabigyan ng  mapaglilibangan.

Bilang Chairman ng  Committee on  Arts and Culture  ng City Council, nais din aniyang  makaimpluwensiya  ang mga pelikula sa mga kabataan na lumikha ng mga kuwentong nagsasalamin sa ordinaryong pamumuhay.

Sinabi ni  Nieto na mara­ming Manilenyo ang may mga talento sa paggawa ng mga kuwento o scriptwriting na maaaring maging daan para sa kanilang tagumpay.

Kabilang sa mga pelikula ni Nieto na ipinalabas ay ang Naglalayag, Magnifico at Kamoteng  Kahoy.