Tondo police station muling pinasabugan

MANILA, Philippines – Paghihiganti ang nakikitang motibo ng mga awtoridad sa muling pagpapasabog ng granada istasyon ng pulis sa distrito ng Tondo sa lungsod ng Maynila kagabi.

Ito na ang ikatlong pagkakataon ngayong taon na hinagisan ng Mk-2 fragmentation hand grenade ang Manila Police District (MPD) Station 1.

Bigo naman ang closed circuit television (CCTV) na makuhaan ang mukha ng mga suspek na sakay ng mga motorsiklo.

Wala namang naitalang nasaktan sa muling pag-atake kagabi bandang 11:30 kagabi.

Ayon sa hepe ng istasyon na si Police Supt. Virgilio Veloria. paghihiganti ang nakikita nilang dahilan sa pag-aaake matapos masakote ang tatlong armadong kalalakihan sa isang checkpoint.

Abril 24 nang unang maganap ang pag-atake at ntiong Oktubre 6 lamang ang sumunod.