HS studes, aayudahan sa larangang papasukin

MANILA, Philippines - Aayudahan at kaka­usapin ng mga tauhan ni Quezon City  Vice Mayor Joy Belmonte ang mga mag-a­aral sa high school sa lungsod.

Ito ay upang malaman mula sa mga mag-aaral kung ano ang larangan na nais nilang tahakin bilang paghahanda sa kanilang pagtuntong sa kolehiyo para makatulong sa kanila sa hinaharap.

Aalamin sa may mahigit 8,000 mag-aaral sa public high schools sa lungsod kung ang nais nilang pasuking larangan ay sa akademya, sports, technical o vocational courses at art o design.

Sa pamamagitan nito, matitiyak ng tanggapan ni Belmonte ang mga bagay at mga paraan na kailangang ituro sa kanila at mga ka­alaman na maaaring pag­yamanin para higit na ma­ging competitive at magamit ang pinag-aralan sa hangad na uri ng trabaho.

Binigyang-pansin ni Belmonte ang paglalaan ng pro­grama para rito dahil nalaman niya na may ilang mga nakapagtapos ng kurso ay hindi naman nagamit nang wasto ang kanilang pinag-aralan sa field na napuntahan dahil hindi akma ang trabaho sa natapos nitong  kurso.

Kasama ng QC government sa programang ito ang Division of City Schools ng Quezon City .