Misis nagbigti

MANILA, Philippines - Isang misis ang nasawi makaraang magbigti sa  loob ng kanilang bahay sa Brgy. Baesa, Quezon City kahapon ng umaga.

Sinikap pang i-revive si  Jocelyn Cardenas, 36, may-asawa   ng kanyang biyenang lalaki matapos na matagpuang nakabitin sa kisame, subalit nabigo na rin itong mabuhay, ayon kay PO2 Rhic Pittong, may-hawak ng kaso.

Ayon kay Pittong, ang biktima ay nadiskubre ganap na alas- 5:30 ng umaga sa loob ng kanyang bahay sa Sitio Pajo, Brgy. Baesa.  Sabi ni Arturo Cardenas, biyenan ng biktima, napadaan umano siya sa kuwarto ng manugang nang makita niya itong nakabitin sa kisame, gamit ang nylon cord.

Dahil dito, agad na humingi ng tulong ang matanda sa kanilang kapitbahay para kalasin ang biktima sa pagkakatali, saka sinikap nilang i-revive.

Sa puntong ito, nagpasya ang matandang Cardenas na i-report ang insidente sa barangay  para sa kaukulang desposisyon.
Inaalam pa ng awtoridad kung ano ang motibo ng biktima sa ginawa nitong pagpapakamatay.