2 holdaper, arestado
MANILA, Philippines - Timbog sa isinagawang follow-up operation ng Manila Police District- Station 2 ang dalawang holdaper na tumangay sa elevator feel computer na nagkakahalaga ng $5,795 o katumbas ng P249.185.00 nang tutukan ng improvised shotgun ang pahinante ng truck habang nakahinto dahil sa traffic lights sa tulay ng Delpan, sa Tondo, Maynila, noong nakalipas na linggo.
Kahapon, iniharap sa mga mamamahayag ang dalawang suspek na nakilalang sina Mark Vargas, 21; at Ramil Romero 35, ng nasabi ding lugar.
Sa ulat ni Senior Insp. John Guiagui, hepe ng Delpan Police Community Precinct, dakong alas-2:10 ng hapon, noong nakalipas na linggo nang akyatin ang truck na nakahimpil at tutukan ng improvised shotgun ng isa sa dalawang suspek ang pahinanteng si Jerry Ancheta, 43, ng Brotherhood Transport Services Incorporated at kinuha ang nasabing computer at saka mabilis na tumakas.
Nang ireport sa nasabing PCP ay nagsagawa ng follow-up operation hanggang sa matunton ang kinaroroonan ng dalawa.
Narekober ang nasabing elevator feel computer at shotgun na ginamit.
- Latest
