Bebot patay sa pamamaril sa Quezon City

MANILA, Philippines - Isang 29-anyos na ba­bae­ ang nasawi matapos pagbabarilin ng hindi pa kilalang suspek na riding-in-tandem sa may Republic Ave­nue, Brgy. Holy Spirit, Quezon City kahapon ng umaga.

Ang biktima na na­kila­lang isang Agnes Adrincula na nagtamo ng tama ng bala sa iba’t ibang bahagi ng katawan na dinala pa sa FEU Hospital pero idineklara ring dead-on-arrival.

 Ayon sa pulisya, sakay ang mga suspek sa isang Honda Wave na motorsiklo na hindi naplakahan at ma­tapos ang pamamaril ay agad na tumakas. 

Sinasabing inabangan pa ang biktima ng  mga suspek  sa di kalayuan sa naturang lugar bago naganap ang krimen.

Patuloy namang iniimbestigahan ng pulisya ang posibleng motibo sa naganap na pamamaril sa biktima.