Sekyung problemado, nagbigti

MANILA, Philippines - Winakasan ng 52-anyos na security guard ang sa­riling buhay makaraang magbigti sa palikuran ng bahay, kahapon ng umaga sa Valenzuela City. Bandang alas-5:30 ng umaga nang matagpuan ang nakabitin ang biktimang si Emmanuel Lucero, stay-in sa pabrika ng Ever Glory Plastic sa Parada Road, sa nasabing lungsod. Sa ulat ng pulisya, naikuwento ng biktima sa mga kasamahang security guard ang problema sa kanyang pamilya na nasa bayan ng Escalante, Negros Occidental subalit hindi naman nito binanggit kung anong klaseng problema.