Express train ng MRT, pinalawig
MANILA, Philippines - Pinalawig pa ng Metro Rail Transit (MRT-3) ang kanilang experimental Express Train service hanggang sa Biyernes.
Batay sa advisory ng MRT-3 sa Twitter account nito, ie-extend ang south-bound Express Train mula alas-6:30 hanggang alas-8:30 ng umaga simula kahapon hanggang bukas, Mayo 23.
Sa unang anunsyo ng Department of Transportation and Communications (DOTC), ang orihinal na petsa nang pagtatapos ng experimental express train serÂvice ay hanggang Mayo 20 (Martes) lamang.
Ang MRT express trains ay naglalayong mapaÂbilis ang biyahe sa pamamagitan nang paglaktaw ng mga hihintuang istasyon at mabawasan ang congestion ng mga pasahero sa mga terminal.
Ang MRT-3 ay nag-uugnay sa North Avenue, Quezon City at Taft Avenue, Pasay City sa pamaÂmagitan nang pagdaan sa Epifanio delos Santos Avenue.
- Latest
