8-araw moratorium sa truck ban
MANILA, Philippines - Ipatutupad simula ngayong araw ng pamahalaang lungsod ng Maynila ang 8-day moratorium sa truck ban bilang pagbiÂbigay daan sa idaraos na World Economic Forum.
Batay sa Executive Order No. 49 ni Manila Mayor Joseph Estrada, suspendido ang truck ban simula ngayon hanggang sa Mayo 20.
Sa ginanap na press conference sa Emergency Response Assistance Program command center, sinabi ni Estrada na layuÂnin ng moratorium na matanggal ang mga containers na nakatambak ngayon sa pier.
Gayunman, itutuloy ang truck ban matapos ang forum mula Mayo 21-23, 2014.
Kabilang din sa mga kasunduan ng moratorium ay ang pagbabawal sa parking sa A. Bonifacio hanggang Delpan Bridge at ilang mga pangunahing kalsada.
Sa kabila nito maaari ring pumasok at lumabas ng Maynila ang mga truck alinsunod sa oras na itinalaga.
Ang mga truck operators ay magbibigay ng boluntaryong P100 bilang dispatch fee.
Bunsod nito, magdagdag ng traffic enforcers upang mapaÂnatili ang maayos na daloy ng trapiko.
- Latest
