Pulis utas, misis sugatan sa Mandaluyong ambush

MANILA, Philippines – Hindi na naisalba pa ng mga doktor ang buhay ng isang pulis matapos pagbabarilin sa lungsod ng Mandaluyong ngayong Miyerkules.

Namatay ang biktimang si Elmer Santiago, 45, intelligence officer sa Bataan, sa iba't ibang tama sa katawan matapos tambangan kaninang umaga.

Kasama ni Santiago ang kanyang asawang si Agnes na ngayon ay ginagamot sa Polymedic Hospital.

Kaugnay na balita: 2 sugatan sa Mandaluyong ambush

Sakay ng itim na Toyota Vios na may plaka ng Philippine National Police Academy ang mag-asawa nang paputukan ng mga hindi pa nakikilalang suspek na sakay ng motorsiklo sa kalye ng Taluntong at Barangka Drive sa Barangay Malamig.

Patuloy pa rin ang imbestigasyon ng mga pulis sa insidente.