LNB-NEB suportado ang ‘Tuwid na Daan’

MANILA, Philippines - Nagpahayag ng  suporta ang Liga ng mga Barangay (LNB) National Executive Board (NEB) sa ‘Tuwid na Daan’ ni Pangulong  Noynoy Aquino sa pamamagitan ng  kauna-unahang  board resolution.

Ayon kay National President Atty. Edmund R. Abesamis, mas magiging epektibo ang  barangay ngayon dahil sa suporta ring ibinibigay ng pamahalaan.

Ginanap ang  1st Board Meeting ng  LNB-NEB noong Marso 17, 2014 kung saan ang nasabing resolution  ay isinumite naman kay pangulong Aquino sa oath-taking ceremony noong Martes sa  Manila Hotel.

Nakasaad sa resolusyon na ang paglaki sa Internal Revenue Allotment (IRA) ng mga barangay ay nagbibigay daan upang tugunan ang mga pangunahing panga­ngailangan o ‘basic social services’ ng mga mama­mayan sa barangay.

Dapat na may kaakibat na pananagutang maging­ masinop at maingat sa pag­­gugol at paggasta sa salapi ng barangay upang epektibong matugunan ang mga panga­ngailangan ng mga mamamayan.