Nag-away ng nobyo modelo tumalon mula 28th floor, lasog

MANILA, Philippines - Nagkalasug-lasog ang katawan ng isang 28-anyos na modelo na sinasabing nag-suicide sa pamamagitan ng pagtalon mula sa 28th floor na condominium unit ma­tapos mag-away ng kanyang nobyo sa Pasig City, kahapon ng madaling-araw.

Kinilala ni Pasig police chief Sr. Supt. Mario Rariza Jr., ang nasawi na si He­lena Belmonte, dalaga, isang Fil-Am, nakatira sa Unit-B 28th floor Renaissance 1000 Tower, Meralco Avenue, Pasig City.

Ayon sa ulat, dakong ala-1:30 ng madaling-araw nang maganap ang pagtalon ng biktima mula sa kanyang unit sa 28th floor at bumagsak ito sa ika-pitong pa­lapag ng gusali.

Sinabi ni Punzalan, nahirapan silang kunin ang bangkay ng biktima dahil  sumampay ang katawan nito sa isang ‘exhaust’ na makina.

Ganap na alas-7:00 ng umaga nang makuha ang bangkay ng biktima dahil tinawagan pa at hinin­tay ang pagdating sa crime scene ng  ilan nitong kamag-anak.

Sa inisyal na imbestigasyon, sinasabing bago maganap ang pagtalon ng biktima sa gusali ay inaway ito ng kanyang boyfriend na hindi pa tinutukoy ang pangalan.

Posib­leng labis na dinam­dam ng biktima ang pag-aaway nila ng kanyang nobyo kaya naisipan nitong tumalon sa gusali.

Gayunman, nagsasagawa pa ng masusing imbestigas­yon ang pulisya para mabatid kung may naganap na ‘foul play’ sa pagpapakamatay ng dalaga.