Ginang kalaboso sa pekeng pera
MANILA, Philippines - Himas rehas ngayon ang isang 29-anyos na ginang makaraang makuhanan ng tatlong piraso ng pekeng pera na kanyang ipinambili sa loob ng isang mall sa lungsod Quezon, iniulat kahapon.
Ayon kay PO3 Cyrus Ivan David ng Quezon City Police Station 12, nakilala ang suspek na si Gina Duya, residente sa Block 6, Lot 14, Malaria, Caloocan City.
Sabi ni David, nakumpiska sa suspek ang isang piraso ng pekeng P1,000, dalawang piraso ng P500; at dalawang piraso ng P200 pekeng bill.
Nangyari ang insidente sa may La Parilla, Level 1, ng isang mall sa EDSA corner Ortigas Avenue, Brgy. Ugong Norte, ganap na ala-1:55 ng hapon.
Sinasabing pumasok ang suspek sa nasabing establiÂsimento na nagkunwaring kostumer at bumili at ibinayad ang pekeng P1,000.
Gayunman, isa sa kawani ng establisimento ang nakapuna sa ibinayad na pera ng suspek na peke dahilan para humingi ang una ng tulong sa awtoridad. Agad namang inimbitahan ng pulisya ang suspek at dinala sa naÂsabing himpilan ng pulisya kung saan nang kapkapan ay nakuha pa mula sa bulsa nito ang ilang piraso ng pekeng pera. Inihahanda na ang kaso laban dito.
- Latest
