Biktima ng salvage, natagpuan
MANILA, Philippines - Isang bangkay ng lalaki na hinihinalang biktima ng summary execution ang natagpuan sa isang barangay sa lungsod Quezon, iniulat kahapon.
Sa ulat ni SPO1 Cris Zaldarriaga, ang biktima ay nakilala sa pangalang Jake Macapanas, 21, at residente sa Florentino St., Sto. Domingo.
Ayon kay Zaldarriaga, ang biktima ay nadiskubre sa paÂnulukan ng Sto. Domingo St., kanto ng Samat St., Brgy. Sto. Domingo, ala-1 ng hapon.
May tatlong butas sa katawan ang biktima na indikasyon na mula sa saksak ng icepick at bakas ng pagkakasakal sa leeg.
Nadiskubre ang naÂsabing bangkay ng biktima ng isang Manuel Rivamonte, 45, construction worker habang ito ay naglalakad para bumili ng pagkain.
Nakadapa umano ang biktima sa madamong lugar nang makita ni Rivamonte kung saan sa pag-aakalang lasing lang ito na nakatulog ay nilapitan pa niya, pero bangkay na pala ito.
Agad niya itong ipinagÂbigay-alam sa otoridad, para sa imbestigasyon.
- Latest
