3-anyos paslit na nahulog sa escalator ng mall, pumanaw na
MANILA, Philippines - Tuluyan nang binawian ng buhay ang 3-taong gulang na batang lalaki na nakaÂladkad ang kamay ng rubber hand rail ng escalator at nahulog mula sa ikalawang palapag ng mall, sa Binondo, Maynila.
Dakong alas-7:40 ng umaga kahapon nang ideklarang patay sa Justice Jose Abad Santos General Hospital (JJAGH) ang bikÂtimang si Charles Ivan Pascual, ng Santiago St., Canumay Valenzuela City dahil sa tinamong crack sa ulo at bali ng braso.
Nabatid na isinugod sa nasabing ospital ang biktima nang mahulog nitong nakaraang Martes ng gabi, mula sa ikalawang palapag ng escalator sa 999 mall sa Felipe st., Binondo, Maynila. Kasama umano ng biktima ang ina na si Melody, 38 at kapatid na si Jerrane, 9-anyos, nang matuon ang atensiyon ng ina sa pares ng sapatos at hindi namalayan na nagtungo ang biktima sa escalator kung saan ito nahila ng rubber hand rail at nahulog.
Bagamat sumaklolo naman ang mga guwardiya at administrator ng mall na si Mike de Leon, nabatid na nagharap din ng reklamo ang magulang ng bata laban sa mall.
- Latest
