Kelot utas sa tandem

MANILA, Philippines - Muli na namang nakalusot ang mga kriminal na riding-in-tandem nang pagbabarilin at mapatay ang isang lalaki sa Parañaque City, kahapon ng umaga.

Inisyal na nakilala ang na­sawi na si Jun Usman, nani­nirahan sa Muslim area sa Brgy. Sto. Niño, sa naturang lungsod. Matagumpay namang nakatakas ang mga sa­larin lulan ng isang motorsiklo.

Sa ulat ng pulisya, naglalakad sa Ninoy Aquino Avenue sa may Brgy. San Dionisio ang biktima dakong alas-10:57 ng gabi nang lapitan ng isang lalaki at agad na pinagbabaril.  Mabilis na tumakas ang gunman nang umangkas sa isang motorsiklo.

Tumanggi naman ang ka­anak ng nasawi na isailalim ang bangkay ng biktima sa awtopsiya bilang paggalang sa kanilang relihiyon.

Blangko naman ang pu­lisya sa motibo ng mga sus­pek sa ginawang pamamaslang dahil sa hindi pakikipagtulu­ngan ng mga kaanak nito.