Dayo na trike driver, itinumba ng tandem
MANILA, Philippines - Patay ang isang dumayong tricycle driver nang pagbabarilin ng riding-in-tandem sa Pandacan, Maynila, kahapon ng madaling-araw.
Tatlong tama ng bala ng 9mm na baril ang tinamo ng hindi pa kilalang biktima sa dibdib, likod at ulo na tinatayang nasa edad 30 hanggang 40.
Sa ulat ni PO3 Rodelio Lingcong ng MPD-Homicide Section, naganap ang insiÂdente dakong alas-3:20 ng madaling-araw kahapon sa panulukan ng Hollywood at Carrion Sts., sa Pandacan, Maynila.
Narekober ng awtoridad ang kulay itim na tricycle na ginamit ng biktima, ang suot nitong relos at dalang cellphone na gagamitin naman ng mga pulis para makaugnayan ang mga kamag-anak ng biktima.
Natagpuan ang nakataob na bangkay ng biktima sa halos 15 metro mula sa triÂcycle na kanyang minamaneho na indikasyon na nagawa pa nitong tumakbo matapos pagbabarilin.
Palaisipan naman sa mga pulis kung bakit nagawi sa lugar ang tricycle ng biktima na nakarehistro sa Mandaluyong City batay sa plaka ng kanyang motorsiklo.
- Latest
