MTPB personnel sumailalim sa seminar

MANILA, Philippines - Upang mas maging ma­ayos ang sistema ng paniniket ng mga traffic enforcers at pangongolekta ng parking fees, isinailalim sa seminar ni  Manila  Traffic and Parking­ Bureau (MTPB) Director Carter Don Logica ang  kanyang mga personnel.

Ayon kay Logica, isinagawa ang random seminar sa mga traffic enfocer upang malaman kung sino ang  may alam sa mga traffic violations na kadalasang nagiging rek­lamo ng mga  traffic violators.

Sinabi ni Logica na kapansin-pansin ang ma­ling spelling o paglalagay ng violation samantalang  matagal na umanong trabaho ng mga enforcer at parking collectors.

Paliwanag ni Logica, ka­ilangan na idepensa ng mga traffic enforcer ang kanilang paghuli upang hindi nakukuwestiyon ng kanilang mahu­huli.

Maging ang pagsusuot ng  uniporme at pagpapali­wanag sa mga traffic violator ay bahagi din ng semi­nar upang maiwasan ang anumang hindi pagkakauna­waan sa pagitan ng mga ito.

Samantala, isang GPS device ang  nakatakdang ibigay sa mga traffic enforcer upang malaman ang lugar na traffic at location ng  mismong traffic enforcer.