Miyembro ng BNG, itinumba

MANILA, Philippines - Itinumba ang isang miyembro ng ‘Bahala na Gang’ na pinagbabaril sa harapan ng kaniyang bahay  sa Tondo, Maynila, kamaka­ lawa ng gabi.

Idineklarang patay sa Gat Andres Bonifacio Memorial Medical Center sanhi ng tama ng bala sa ulo at dibdib ang biktimang si Jejomar Lega­rejo, 24, ng Interior 32 Perlas St., Tondo.

Sa ulat ng pulisya, dakong alas-8:50 ng gabi nang maganap ang insidente sa harapan ng bahay ng biktima.

Nakaupo lamang sa ha­rapan ng bahay niya ang bik­tima nang sumulpot ang mga suspect  at bigla siyang pinaputukan ng ilang beses at nang mabuwal ay saka tumakas sa pamamagitan ng inagaw na Honda Wave 100 (NH-3606) na pag-aari ng isang Andrew Bilan ang mga salarin.

Samantala, lumabas sa beri­ pikasyon ng pulisya na ang biktima ay isa sa suspect sa pamamaslang kay PO1 Jessie Boy U. Lorenzo, dating nakatalaga sa RPSB Camp Bagong Diwa, Bicutan, Taguig City, noong Marso 20, 2013 sa Tondo, Maynila. (Ludy Ber­mudo­ with trainee Jamille Obcena)