Chinese national kritikal sa bisita

MANILA, Philippines - Nasa kritikal na kondisyon ang isang Chinese national matapos laslasin ang leeg nito nang lalaking pinagbuksan niya ng gate sa Caloocan City kahapon ng umaga.

Ginagamot sa Chinese General Hospital ang biktimang  si Go Hui Ho, 61,  ng Fider St., 7th Avenue ng na­turang  lungsod­.

Sa pahayag ng kapatid ng biktima na si Melody, dakong­ alas-8:50 ng umaga, nang may nag-doorbell sa kanila at pinagbuksan  naman ng biktima.

Makalipas ang ilang sandali ay hindi pa muling pumapasok sa kanilang bahay ang kapatid dahilan para tignan niya ito sa labas  at laking gulat nito nang makita ang kapatid na duguan. Agad na isinugod sa pagamuitan ang biktima kung saan din natuklasan na nawawala ang wallet nito na may laman na P2,000. Inaalam pa  ng mga pulis kung sino ang suspect.