P1-M halaga ng ari-arian naabo sa sunog
MANILA, Philippines - Tinatayang P1 milyong halaga ng ari-arian ang nasunog sa dalawang palapag na bahay sa Barangay St. Ignatius, Quezon City, kamakalawa ng gabi.
Ayon sa ulat ni SFO3 Sherwin Piñafiel ng Quezon City Fire Protection Deputy, ang sunog na tahanan ay pag-aari ng isang Dolores Cruz na matatagpuan sa no. 1 Harvard St., ng nasabing barangay.
Nabatid na alas 9:29 nang magsimula ang sunog sa ikalawang palapag ng nasabing bahay, hanggang sa tuluyang lamunin ito.
Pero dahil sa mabilis na pagtugon ng mga pamatay sunog, umabot lamang ito sa ikatlong alarm, pero naÂdale rin ang dalawang sasakyan na nasa loob ng garahe.
Ganap na alas-10:02 ng gabi na tuluyang ideklarang fire out ang sunog, pero wala namang iniulat na nasaktan o nasawi dito.
Inaalam pa ang sanhi ng nasabing sunog.
- Latest
