Bangkay ng baby iniwan sa chapel

MANILA, Philippines - Isang babaeng sanggol na walang buhay  ang na­tagpuan  sa isang chapel sa Pandacan, Maynila, kamakalawa ng gabi.

Ayon kay SPO1 Richard Escarlan ng Manila Police District-Homicide Section, isang janitor ang nakapansin  sa kahon habang naglilinis ng chapel kaya ipinabatid kay Father  Larry Abaes, parish priest.

Ang biktima  na nakasilid sa  kahon ng sapatos na nakabalot ng kulay puti na tela at plastic sando bag ay hinihinalang may 2 hanggang 3 araw pa lamang na isinilang.

Bago kinuha ng imbestigador ay binasbasan muna ang patay na beybi, sa loob ng Adoracion chapel ng Sto. Niño church sa Pandacan, Maynila.