Dahil sa Boston bombing: Fun run bawal muna -- MMDA

MANILA, Philippines - Pinagbawalan muna ng Metropolitan Manila De­ve­lop­ment Authority (MMDA) ang pagdaraos ng “fun run o marathon” ngayong Linggo bilang ba­ hagi ng pagtiyak sa seguridad ng publiko kasunod ng naganap na pag­­sabog sa Boston sa Estados Unidos.

Sinabi ni Vincent Lizada, ng MMDA-Metrobase, hindi muna sila nag-isyu ng permit sa anumang uri ng fun run, marathon o ka­halintulad na aktibidad para ngayong linggo sa pangamba na magaya rin sa Pilipinas ang nangyari sa Estados Unidos o kaya ay may masasamang-loob na gumaya nito.

Iginiit nito na mas ma­buti na umanong nag-i­ingat ang awtoridad kaysa sa masyadong relaks at malulusutan ng mga terorista.

Hindi naman binanggit ng MMDA kung magpapatuloy ang hindi nila pagbibigay ng permit tuwing Linggo ngunit tiniyak nito na pansamantala, nga­­yong Linggo muna walang ilalabas silang permit.

Una nang nanawagan ang ahensya sa mga orga­nizers ng mga fun run at ma­rathons at sa Philippine National Police (PNP) sa paghahanda ng “security plans” at pagkuha ng permit muna bago magsagawa ng fun runs sa Kamaynilaan.

Usong-uso ngayon ang mga “fun runs at mini-marathons” na dinu­dumog ng libo-libong local at maging mga dayuhang “running enthu­siasts”.