2 dawit sa ‘hulidap’ sumuko

MANILA, Philippines - Dalawa sa anim na pulis na sangkot sa robbery extortion sa Muntinlupa City ang sumuko kamakalawa sa kani-kanilang mga opisyal makaraan ang ilang araw na pagtatago.

Kinilala ang mga su­mukong pulis na sina PO1 Dennis Quinto ng NCRPO at PO2 Rigor Octaviano ng Pasay City Police.

Matatandaan na una nang na­aresto sina  PO2 Herminigildo Emasa Ga­jeto Jr., ng  Southern Po­lice District at PO1 Ryan Hallegado Manga ng Pa­rañaque police ng mga elemento ng Anti-Kidnapping Group sa isang ope­rasyon. Patuloy namang pinaghaha­nap pa sina PO2 Michel Marcos at PO2 Domingo Abarico, kapwa nakatalaga sa SPD.

Nakatakdang isailalim ang dalawa sa masusing imbestigasyon sa Camp Bagong Diwa sa Taguig kaugnay ng ili­gal na pag-aresto kina Jennilind Rodriguez at kasambahay nitong si  Kevin Bajar ng Muntinlupa  City.

Si Quinto ay nasa kus­todiya ngayon ng NCRPO-Regional Police Holding Administrative Unit, habang si Octaviano­ ay nasa pangangalaga ng SPD headquarters sa Fort Boni­facio, Taguig.

Unang inilagay sa AWOL status ang anim na pulis makaraang hindi na sumipot sa duty buhat pa noong nakaraang Martes noong isang linggo. Inihahanda na rin ang summary dismissal proceeding sa mga ito upang pormal na ma­patalsik sa hanay ng pulisya.

Napag-alaman na ina­resto umano ng anim na pulis si Rodriquez sa Mun­ tinlupa dahil sa kasong may kinalaman sa droga at dinala ito sa Camp Bagong Diwa sa Taguig City.  Doon hiningian ng P40 milyon kapalit ng kanyang kalayaan na lumaon ay naibaba sa P12,000 dahil sa walang pera ang biktima.

Nahaharap na rin ang mga pulis sa mga kasong robbery extortion, unlawful arrest, arbitrary deten­ tion at paglabag sa election gun ban.