Kelot patay sa heat stroke sa loob ng bus
MANILA, Philippines - Hinihinalang heat stroke ang dahilan ng pagkamatay ng isang lalaki habang nakasakay ito sa isang pampasaherong bus kamakalawa sa Caloocan City.
Dead-on-arrival sa President Diosdado Macapagal Memorial Medical Center si Leonor Tabacu, 50, ng San Antonio, Nueva Ecija.
Base sa pahayag ni Jeho Balabagan, 19, konduktor ng bus, naganap ang insidente dakong alas-2:45 ng hapon.
Nabatid, na nakasakay si Tabacu sa bus na kanilang pinapasada at pagsapit nila sa pagitan ng R. Papa St. at 2nd Avenue, Caloocan City ay bigla itong nawalan ng malay kaya’t kaagad nilang isinugod si Tabacu sa naturang ospital, subalit hindi na ito nakarating pang buhay.
Isa sa mga teyorya ng pulisya, hinihinalang tinamaan ng heat stroke si Tabacu na posibleng dahilan ng kamataÂyan nito. Patuloy pa ring iniimbestigahan ang naturang insidente.
- Latest
