SeaOil at Flying V nag-rollback
MANILA, Philippines - Muling nagpapatupad ng rolbak ang dalawang independent oil players sa presyo ng langis sa patuloy na pagbaba ng contract price nito sa internasyunal na merkado.
Sa anunsiyo ng SeaOil Phils., dakong alas-12:01 ng Sabado ng madaling-araw nila ipatutupad ang rolbak. Magkakaltas ito ng P1 kada litro sa premium at unleaded gasoline, P.90 sa kada litro ng diesel, P1 kada litro sa kerosene at P.50 sa kada litro ng regular gasoline.
Ayon kay Abigail Ho, tagapagsalita ng SeaOil, ang naturang rolbak ay ibinase sa galaw ng proÂduktong petrolyo sa internasyunal na merkado na kanilang hinahango.
Kahalintulad na halaga rin ang itatapyas ng Flying V sa kanilang mga produkto epektibo alas-12:01 ng madaling-araw.
Inaasahan naman na susunod sa naturang galaw ang iba pang kompanya ng langis partikular na ang Big 3.
- Latest
