Las Pinas fire: P2-M ari-arian tupok

MANILA, Philippines - Tinatayang aabot sa P2 milyong halaga ng paninda at  ari-arian ang naabo  matapos masunog ang isang palengke sa Las Piñas City kamakalawa ng gabi.

Wala namang napaulat na nasawi o nasugatan sa insidente.

Ayon sa report ng Las Piñas City  Bureau of Fire, dakong alas-10:48 ng gabi nang maganap ang insidente sa Flea Market ng Barangay CAA ng naturang lungsod.             

Napag-alaman sa report, nagsimula ang sunog sa bilihan ng mga plastic items hanggang sa kumalat ang apoy sa katabing mga stalls.

Nabatid na umabot sa ikatlong alarma ang sunog  at  naapula  dakong alas-11:48 ng gabi. Patuloy na iniimbestigahan ang naturang insidente.