Kelot nagbigti o binigti?

MANILA, Philippines - Inaalam ngayon ng mga awtoridad kung nagpakamatay o sadyang pinatay ang isang 43-anyos na lalaki na naki­tang nakabigti kahapon ng madaling-araw sa Binondo, Maynila.

Sa report ng pulisya, tinatayang may ilang oras nang patay bago nakita ang biktimang si Rizaldy­ Sicat, ng Bagong Silang St., Delpan, Binondo, Manila.

Ayon sa imbestigasyon,  dakong alas-4 ng mada­ling araw nang natagpuang nakabitin ang biktima sa kisame ng inuupahan nitong bahay.

Huling nakitang buhay ang biktima kamakalawa ng gabi kung saan nakikipag-inuman sa kanyang ka­ibigang si Jus­tino Bello, 45, helper.

Isang Edwin Cusay, na security guard at kata­bing kuwarto ng biktima ang nakakitang nakabitin ang leeg ng huli sa kisame gamit ang isang electrical wire dahilan upang ipagbigay alam ito sa asawa na siyang nagreport sa pulisya.