Tandem itinumba sa Caloocan

MANILA, Philippines - Dalawang bangkay ng hindi pa nakikilalang lalaki na pinaniniwalaang mga karnaper ang natagpuan na may mga tama ng bala sa katawan at katabi ang isang motorsiklo, kahapon sa Caloocan City.

Nakilala ang mga biktima na sina  Nelbert Maglayan, 28; at Arge Cabrera Jr., 25,  kapwa ng Phase 6, Bagong Silang ng nabanggit na lungsod. Alas-2:30 ng madaling-araw nang makita ang mga bangkay ng mga biktima sa Sitio Matarik, Barugo, Camarin ng lungsod na ito.

Nabatid na may tama ng bala sa katawan ang mga biktima habang nakasabit ang karatulang “carnapper ako”.

Nasa tabi rin ng mga biktima ang motorsiklong (3225-XI).

Iniimbestigahan na ng mga pulis ang nasabing insidente at inaalam na rin kung sino ang may-ari ng motorsiklo.