Dahil sa sampay, trader hulog mula sa 4th floor, patay

MANILA, Philippines - Nauwi sa kamatayan ang pagtatangka ng isang negos­ yante na makuha ang kanyang nilabhang damit mula sa sampayan sa labas ng kanyang bahay matapos na aksi­denteng mahulog mula sa 4th floor ng tinitirhan nitong condominium kahapon ng umaga sa Quezon City.

Kinilala ang biktima na si Salacnib Douglas Dichoso, 31, may-ari ng computer shop, at naninirahan sa Smile Citihomes Condomium Complex sa Brgy. Kaligayahan, sa lungsod.

Nangyari ang insidente, ganap na alas-11:30 ng umaga sa nasabing condominium.

Ayon sa saksi na naninirahan sa isa pang gusali na katabi ng gusali ni Dichoso kinukuha umano ng biktima ang damit sa sampayan at sa pagtatangka nitong maabot ang nasa gawing malayo ay nawalan ng balanse ang paa nito, hanggang sa bumagsak paibaba mula dito.

Dead on the spot si Dichoso dahil sa tinamong matinding injuries lalo na nang tumama ang ulo nito sa kongkretong simento, sabi pa ni Gagaza.