Wanted na US rapist timbog sa BI

MANILA, Philippines - Naaresto ng Bu­reau of Immigration (BI) ang isang Amerikano na aku­sado sa panggagahasa sa Guam.

Ayon kay Immigration Commissioner Ri­­cardo David Jr. ang fugitive na si David James Hart, 56, ay nadakip sa Mapandan, Pangasinan noong Ok­­tubre 2 ng mga ope­­ratiba ng BI fugitive search unit.

Nabatid kay David na si Hart ay may warrant of arrest matapos itong sampahan ng kasong rape sa Guam.

Agad namang ipa­de­-deport si Hart sa san­daling maglabas ng summary deportation ang BI commissioner.

Sinabi naman ni Atty. Ma. Antonette Mangrobang, BI ac­ting intelligence chief, si Hart ay ipade-deport dahil na rin sa kanyang pagiging undocumen­ted alien na nagresulta din sa kanselasyon ng US passport nito ng US government.

Lumilitaw na si Hart ay nasa wanted list na ng US government simula pa ng Pebrero nang maglabas ng arrest warrant ang Guam court.

Taong 2007 nang magsimulang duma­ting sa bansa si Hart at magpabalik-balik.   Huling dumating ito sa bansa noong Oktubre 8, 2011.

Subalit hindi na nga­yon maaaring ma­ka­pasok pa ng bansa si Hart dahil kabilang na ito sa mga undesirable aliens.