Bistek at Joy B, nag-file na ng COC
MANILA, Philippines - Pormal nang nag-file ng kanilang Certificate of Candidacy (COC) sina Quezon City Mayor Herbert M. Bautista at Vice Mayor Joy Belmonte bilang mga official candidate sa pagka-Mayor at Vice Mayor sa lungsod sa ilalim ng Liberal Party para sa 2013 elections kahapon ng umaga.
Kasama ng dalawang opisyal na nag-file ng COC sa Comelec QC ang iba pang LP candidates para sa city councilor at congressman ng districts 1 hanggang district 6.
Sa district 1, ang mga kasama ng team Bautista at Joy B para konsehal ay sina re-electionists Ricardo “RJ” Belmonte, Dorothy “Doray” Delarmente, at Alexis “Alex” Herrera, Victor “Jun” Ferrer Jr. at baguhang sina Erlinda “Linda” Madrilejo at Lena “Mayen” Penson Juico.
Si Councilor Francisco “Boy” Calalay ay tatakbong congressman sa unang distrito ng QC,
Muling tatakbo bilang kongresista sina incumbent congressmen Winston “Winnie” Castelo para sa district 2, Jorge “Bolet” Banal Jr., district 3 at House Speaker Feliciano Belmonte Jr. sa district 4.
Tatakbo naman ulit ang actor councilor na si Alfredo Paolo “Alfred” Vargas III bilang congressman para sa bagong buong District 5 habang si Task Force Banlat Christopher “Kit” Belmonte ay tatakbong congressman sa District 6.
- Latest
- Trending
