NBI nagbabala sa mga expired na commemorative plates

MANILA, Philippines - Nagbabala kahapon ang National Bureau of Investigation (NBI) sa publiko sa pagdi-display ng mga expired na NBI 75th Commemorative Plates .

“Comply or face charges”, base sa inis­yung warning ng NBI sa mga patuloy na guma­gamit at nagdi-display ng expired car plates.

Ito ay dahil sa na­oobserbahan ng NBI na marami pa ring motorista na sa kabila ng public announcement ng ahensya tungkol sa expiration ng NBI commemoratives plates noon pang Abril 2012 ay patuloy pa rin itong nakakabit sa kanilang mga sasakyan.

Ang dalawang commemorative plates na inisyu na nag-expired na ay ang: “NBI @ 75” na inisyu noong Nobyembre 2010 at nag-expred noong Abril 2012 at ang “NBI na may 75th anniversary logo” na nag-expired din noong Abril 2012.

Dahil dito, nakipagkoordinasyon ang NBI sa LTO at iba pang law enforcement agencies sa paghuli sa mga violators sa kautusang ito.