3 'tulak', timbog ng PDEA

MANILA, Philippines - Naaresto ng mga elemento ng Philippine Drug Enforcement Agency (PDEA) ang tatlong miyembro ng kilabot na drug syndicate na’Buratong Drug group’ sa isinagawang drug-bust operation sa Pasig City.

Ganap na alas-9:00 ng gabi kamakalawa nahuli ang mga suspek na sina Alfred Mahilum, 50; Arlene Matulin, 40; at Ryan Ronald Andrada, 19, pawang residente ng Blk2, Glass St., Laskas Bisig, San Andres, Cainta, Rizal.

Nasamsam sa mga ito ang may 50 gramo ng shabu na nagkakahalaga ng P200,000. Sinasabing nakatakas naman ang isang Mac Mac na umano’y pinagkukunan ng droga ng mga nadakip sa Pasig City.