83-anyos na ina, pinatay sa bugbog ng anak
MANILA, Philippines - Pinagbubugbog hanggang sa mapatay ang 83-anyos ina ng kanyang sariling anak na sinasabing may diprensiya sa pag-iisip sa Tondo, Maynila kahapon ng umaga.
Dead-on-the-spot ang biktimang si Crisanta Sartena ng Parola Compound, Tondo, Maynila dahil sa inabot na bugbog sa sarili nitong anak na si Fidel Sarte, 47, na kasalukuyang nakakulong sa detention cell ng Manila Police District (MPD)-Station 2.
Sa report ni Supt. Ernesto Tendero Jr., ng MPD-Station 2, dakong alas-11 ng umaga nang naganap ang pambubugbog sa loob ng bahay ng mag-ina.
Ayon kay Tendero, may diprensiya umano sa pag-iisip ang suspect na sinumpong hanggang sa walang habas na binugbog ang ina. Dahil sa katandaan hindi naman nagawa ng biktima na manlaban.
Bagamat may sakit sa pag-iisip ang suspect, sasampahan pa rin ito ng kasong parricide.
- Latest
- Trending
