Parking boy kritikal sa ligaw na bala

MANILA, Philippines - Isang parking boy ang nasa kritikal na kondisyon nang tamaan ng ligaw na bala kamakalawa sa Caloocan City.

Ginagamot sa Jose Reyes Memorial Medical Center sanhi ng tama ng bala sa batok ang biktimang si Ronnie Cullera, 21, ng Sitio Uno, Sangandaan ng nabanggit na lungsod.

Batay sa report ng pulisya, naganap ang insi­dente alas-5:30 ng hapon sa kahabaan ng 10th Avenue ng nabanggit na lungsod habang nakatayo ang biktima nang bigla na lamang itong bumagsak.

Nang tingnan ng mga saksi ay nakitang duguan ang biktima na naging dahilan upang dalhin ito sa nabanggit na ospital.

Hindi naman malaman kung sino ang posibleng nagpakawala o nagpaputok ng baril sa lugar.