Police asset itinumba

MANILA, Philippines - Butas ang bungo ng isa umanong police asset makaraang pagbabarilin ng isa sa apat na lalaki na sakay ng dalawang motorsiklo sa lungsod Quezon kahapon ng madaling-araw.

Dead-on-the-spot sa lugar ang biktimang si Jomarie Abollador, 49, binata, ng Block 6, Lot 5, Kilyawan St., Brgy. Commonwealth sa lungsod.

Nangyari ang insidente sa harap ng bahay ng biktima ganap na alas-10 ng gabi. Sinasabing nakaupo ang biktima sa harap ng kanyang bahay at nagte-text nang dumating ang suspect at paulanan ito ng bala sa ulo at katawan. Ma­tapos ang pamamaril ay agad na nagl­alakad papalayo ang suspect patungo sa mga ka­samahang naghihintay sakay ng dalawang motorsiklo at sumibat papalayo.

Ayon sa kapatid ng na­sawi, dati umanong police asset sa Laguna ang biktima, pero hindi niya batid kung aktibo pa ito, bagay na tinitingnang motibo ng kapulisan, bukod pa sa away pamilya.